სხვადასხვა მცენარეული კულტურები სხვადასხვაგვარად ეგუებიან ტუტე რეაქციის მქონე ნიადაგებს. შესაძლებელია მცენარე ცოცხლობდეს მაღალი pH-ის მქონე ნიადაგზე, თუმცა ასეთ არეში ყველა მისთვის მნიშვნელოვანი
სასიცოცხლო პროცესი იქნება შეფერხებული. კერძოდ, არ მოხდება ძირითადი მიკრო და მაკრო ელემენტების შეთვისება იმ რაოდენობით რაც საჭიროა მცენარის სრულფასოვანი განვითარებისათვის.
• ნიადაგის მაღალი pH-ი უკვე აღარ წარმოადგენს მაღალი დანახარჯებით გადასაჭრელ პრობლემას. წვეთოვანი
მორწყვის სისტემის პირობებში ფოსფორმჟავას საშუალებით შესაძლებელი არის ნიადაგის pH-ის რეგულირება. ეს
პროდუქტი ერთ-ერთი ყველაზე დაბალფასიანი ალტერნატივაა კარბონატულ ნიადაგებზე ნიადაგის pH-ის გასანეიტრალებლად და მცენარისათვის ფოსფორის მარაგის შესავსებად.
• მცენარის ფესვის არეში ფოსფორმჟავას ხსნარის მოხვედრის დროს ხდება ფესვის გარშემო არსებული ნიადაგის
pH-ის ნეიტრალურისკენ დაწევა, დაბლოკილი საკვები ელემენეტების გამოთავისუფლება და მცენარისათვის შესათვისებელ ფორმაში გადაყვანა. ფოსფორმჟავას მოქმედების შედეგად მცენარე სრულფასოვნად იყენებს ნიადაგში არსებულ, მანამდე მიუწვდომელ საკვებ რესურსს.
• 75%-იანი ფოსფორმჟავა ასევე გამოიყენება, როგორც ფოსფორის მაღალი შემცველობის მქონე სასუქი. 100 ლიტრი
ფოსფორჟავა არის 52 კგ ფოსფორის (V) ოქსიდის ექვივალენტი მცენარისათვის ადვილად შესათვისებელი ფორმით .