ნაყოფის ანალიზი

ნიმუშის აღების პროცესი მნიშვნელოვანია, რადგან მის სწორ ჩატარებაზეა დამოკიდებული ანალიზის
შედეგების სიზუსტე.

ნაყოფის ნიმუში უნდა წარმოადგენდეს ე.წ. შერეულ ნიმუშს, რაც გულისხმობს ფართობის სხვადასხვა
ადგილმდებარეობიდან აღებულ და ერთმანეთში შერეულ ნიმუშებს.

ნაყოფის ნიმუშის აღების პროცესის სწორად ჩასატარებლად მიყევით ინსტრუქციას:

• ნიმუშის აღება უნდა მოხდეს შემთხვევითი შერჩევის მეთოდით იმ მცენარეებიდან, რომლებიც დამახასიათებელია საკვლევი ფართობისთვის
• თუ მთლიან საკვლევ ფართობზე ვიყენებდით მცენარეთა დაცვის ერთი და იმავე პროგრამას, ე.ი. გამოყენებულია მცენარეთა დაცვის ერთნაირი საშუალებები დროის ერთნაირ ინტერვალში, მაშინსაკვლევი ფართობი შეგვიძლია ჩავთვალოთ ერთ მთლიან ტერიტორიად და მასზე შევაგროვოთ ერთი შერეული ნიმუში, რისთვისაც ნაკვეთს თვალზომით ვყოფთ ზიგზაგისებურად და სხვადასხვა
  ადგილმდება რეობაზე (მინიმუმ 5 ადგილას) ვიწყებთ ნიმუშების შეგროვებას
• იმ შემთხვევაში თუ საკვლევ ფართობზე გამოყენებული გვაქვს მცენარეთა დაცვის განსხვავებულიპროგრამა, მაშინ საჭიროა ნაკვეთის ზონებად დაყოფა ჩატარებული წამლობების სახეობისა დატიპის მიხედვით. ე.ი. მთელ ფართობზე ჩატარებულია ერთი და იგივე წამლობები.
  მაგალითად: თუ ნაკვეთის ერთ ნაწილზე ჩატარებულია N1 წამლობა, ხოლო მეორე ნაწილზე - N1+N2 წამლობა, ამ შემთხვევაში ნაკვეთი უნდა დავყოთ ორ ზონად და ვიწყებთ ნიმუშების აღებას ზიგზაგებზე.
• თითოეული ხიდან ვიღებთ დიდი ზომის მქონე ნაყოფის ნიმუშს - 500 გრამს (დაახლოებით 5 ნაყოფი), ჯამურად უნდა გვქონდეს 2,5კგ. ხოლო პატარა ზომის მქონე ნაყოფს - 100 გრამს, ნიმუში ჯამურად - 0,5კგ.

დიდი ზომის მქონე ნაყოფს მიეკუთვნება: ვაშლი, მსხალი, ატამი, ყურძენი და ა.შ. პატარა ზომის ნაყოფს
კი მიეკუთვნება: მოცვი, ჟოლო, მარწყვი, თხილი, კაკალი, ნუში და სხვ.

• ხუთივე ადგილმდებარეობიდან აღებულ ნიმუშს შევაგროვებთ ერთად პოლიმერული მასალისგან (მაგ.:პლასტმასი) დამზადებულ კონტეინერში.
• ნიმუშების აღების შემდეგ კონტეინერს აუცილებლად უნდა გაუკეთდეს ეტიკეტი, სადაც უნდა დავიტანოთ შემდეგი ინფორმაცია:
   1. საკონტაქტო პირის სახელი/გვარი;
   2. ტელეფონის ნომერი;
   3. კომპანიის ს/ნ ან პ/ნ;
   4. კულტურა;
   5. ნიმუშის აღების ადგილი და თარიღი;
   6. ნიმუშის დასახელება (იდენტიფიკაციისთვის შეიძლება გამოვიყენოთ ნებისმიერიმა ხასიათებელი);
   7. ანალიზის ტიპი