ძვირფასო ფერმერებო, “დუპონ პიონერი“ მსოფლიოში წამყვან მცენარეთა საუკეთესო სათესლე მასალის მწარმოებელს და მომწოდებელს წარმოადგენს და უმაღლესი ხარისხის თესლს აწვდის ფერმერებს 90-ზე მეტ ქვეყანაში. ფერმერული მეურნეობის პროდუქტიულობისა და მათი შემოსავლიანობის გაზრდის მიზნით “პიონერი” უზრუნველყოფს თავის მომხმარებლებს აგრონომიული ცოდნით და სხვადასხვა სახის მომსახურებით, იღწვის მდგრადი სასოფლო-სამეურნეო სისტემების განვითარებისა და გლობალურ გამოწვევებთან მიმართებაში ისეთი გადაწყვეტილებების მოძიებისათვის, როგორიცაა მსოფლიო მასშტაბით მოსახლეობისთვის საკმარისი ჯანსაღი საკვების წარმოება. ამიტომაც, მომხმარებლის კმაყოფილება “პიონერისათვის” უმთავრესი პრიორიტეტია. ამ ვალდებულებას პიონერის® სავაჭრო ნიშნით წარმოებული სათესლე მასალის მაღალი ხარისხობრივი ღირებულება ადასტურებს. აღნიშნული სათესლე მასალა გამოყვანილია უმაღლესი სტანდარტების შესაბამისად, რათა დააკმაყოფილოს საერთაშორისო და ადგილობრივი სერთიფიცირების მოთხოვნები და დებულებები და კარგად მოერგოს მოყვანის სხვადასხვა პირობას.
რადგან წარსულში “პიონერს” აქვს იმის გამოცდილება, რომ რუსეთსა და უკრაინაში ფალსიფიცირებული სათესლე მასალა პიონერის® სავაჭრო ნიშნით აღჭურვილ ყალბ ტომრებში იყიდებოდა, ამ ორ ქვეყანაში ფალსიფიკაციასთან საბრძოლველად “პიონერმა” ჰოლოგრამები შემოიღო, რათა მომხმარებელს პიონერის® ბრენდის ორიგინალური სათესლე მასალის მიღებაში დაეხმაროს. თუმცა, უნდა ითქვას, რომ ევროპაში მხოლოდ ეს ორი ქვეყანა წარმოადგენს გამონაკლისს, სადაც “პიონერმა” შემოიღო დაცვის ამგვარი დამატებითი ზომები. ყველა სხვა ევროპულ ქვეყანაში პიონერის®ბრენდით სათესლე მასალა იყიდება ჰოლოგრამის გარეშე შეფუთვაში.
განსაკუთრებით გვინდა ავღნიშნოთ, რომ აქამდე საქართველოში პიონერის® გაყალბებული სათესლე მასალა არ შეგვხვედრია, შესაბამისად ჰოლოგრამებიც არ გამოგვიყენებია. თუმცა, სხვადასხვა ევროპულ ქვეყანაში გაჩენილი მოთხოვნის დასაკმაყოფილებლად, შესაძლებელია ამ ქვეყანაში მოხდეს რუსეთისათვის ან უკრაინისათვის წარმოებული ტომრების მიწოდება.
ვწუხვართ, თუ ყოველივე ამან გამოიწვია გაურკვევლობა ჩვენს მომხმარებლებს შორის და ვიმედოვნებთ, რომ ეს წერილი დაგეხმარებათ სიტუაციის გარკვევაში.
პატივისცემით,
დიუპონ პიონერი
12 თებერვალს კარტლისის გორის სერვისს ცენტრში, კომპანია კარტლისმა და ესპანური ბიოსტიმულატორების, ნიადაგის და სხვადასხვა პროდუქტების მწარმოებელმა კომპანიამ, ერთობლივად ჩაატარეს სემინარი პესტიციდებთან და სასუქებთან დაკავშირებით,სადაც მიმოიხილეს, როგორც არსებული,ასევე ახალი პრეპარატები!
მიუხედავად იმისა რომ საქართველოში სტიმულატორების შესახებ ფერმერებს საკმარისი ინფორმაცია არ გააჩნიათ, საკმაოდ ბევრი და საინტერესო კითხვები დაისვა და უამრავი სასარგებლო ინფორმაციის მიღება შეძლეს ფერმერებმა!
კარტლის აგროსისტემები ქართულ ბაზარზე უკვე 20 წელია მოღვაწეობს და მომხმარებელს მცენარეთა დაცვის საშუალებების, სასუქების, სათესლე მასალისა და სარწყავი სისტემების ფართო ასორტიმენტს სთავაზობს სხვადასხვა რეგიონებში.
ამ პერიოდში კომპანიამ ფერმერებს შორის უმაღლესი ხარისხის პროდუქციის მომწოდებლის სახელი დაიმკვიდრა.
მიზანდასახული მუშაობის შედეგად, კომპანიამ ათასობით მომხმარებლის ნდობა მოიპოვა და დღეისათვის თავის დარგში ერთ-ერთი წამყვანი ორგანიზაცია გახლავთ.
2019 წელს კი კომპანია კარტლისს კიდევ ერთი მაღაზია შეემატა, ამჯერად უკვე ქ.თბილისში.
2017 წელს კარტლისმა საქართველოში უპრეცედენტო მაშსტაბის პროექტი – „კარტლისის აკადემია“ დაიწყო. პროექტი საშუალო და მსხვილ ფერმერებსა და მათ მეუნეობებს ახალ ეტაპზე გადაიყვანს.
სოფლის მეურნეობის სფეროში 20 წლიანმა წარმატებულმა გამოცდილებამ, სხვადასხვა კულტურის მოყვანისას მიღებულმა რეკორდულმა შედეგებმა და იმ მრავალმა სამეცნერო სამუშაომ, რომელიც კომპანიის საცდელ-სადემონსტრაციო ნაკვეთებზე რეგულარულად მიმდინარეობდა, საშუალება მოგვცა საფუძველი ჩაგვეყარა ფერმერების გადამზადების ახალი პლატფორმისათვის, რომელსაც კარტლისის აკადემია ეწოდება.
2018 წლის 14 ნოემბერს, კომპანია „კარტლისის“ ორგანიზებით ქ. ყვარელში, კოტე მარჯანიშვილის სახელობის თეატრში გაიმართა „მევენახეთა ფორუმი, დარგში არსებულ სიახლეებზე“.
ფორუმში ასევე მონაწილეობას იღებდა კომპანია „კარტლისის“ პარტნიორი ბანკი ბაზისბანკი. აღნიშნული ღონისძიება ემსახურებოდა ახალი პროდუქტის შეთავაზებას, რომელიც შეიქმნა ერთობლივად კომპანია კარტლისთან ერთად, რაც ხელს შეუწყობს ფერმერებს, რათა განავითარონ სოფლის მეურნეობა.
მორიგი შეხვედრა კომპანია კარტლისის მიერ შედგა გარდაბანში მესიმინდე ფერმერებთან ერთად, რომელსაც ასევე ესწრებოდნენ პროფესიულ დუალურ პროგრამაში ჩართული სტუდენტები და სამხრეთ აფრიკიდან ჩამოსული სტუმრები!
საუბარი და თემის გაცნობა მოიცავდა სიმინდის მოყვანის თანამედროვე ტექნოლოგიებს, რომელიც დამუშავებულია კომპანია კარტლისის სპეციალისტების მიერ!
კარტლისთან თანამშრომლობით ფერმერები კმაყოფილები არიან,რადგანაც მათი მოსავალი გაიზარდა 50%-ით.
2018 წლის 10 ოქტომბერს, ანაკლიაში საქართველოს მეთხილეობის დარგის განვითარების ფორუმი გაიმართა,რომლის ორგანიზატორი გახლდათ კომპანია კარტლისი, არსებულ ღონისძეიბაზე განიხილეს ფერმერებთან და სპეციალისტებთან ერთად თხილის კულტურაში არსებული პრობლემები და გამოწვევები. ღონისძიების მიზანი გახლდათ, ფართო საზოგადოება გაცნობოდა საქართველოში მეთხილეობის დარგში არსებული პრობლემებს და განეხილათ მათი გადაჭრის გზები,ასევე ფერმერებმა გაუზიარეს ერთმანეთს კომპანია კარტლისის დახმარებით მიღებული შედეგები და მიღწევები.
სათესლე მასალის წარმოებაში მსოფლიო ლიდერები, ჰოლანდიური კომპანიები Enza Zaden და Bejo Zaden ყოველწლიურად მართავენ ღია კარის დღეებს, სადაც მრავალი ქვეყნიდან ჩასული ფერმერები და აგრონომები ეცნობიან ერთმანეთს უზიარებენ თავიანთ ცოდნასა და პრაქტიკულ გამოცდილებას.
ყოველ წელს, კარტლისი პარტნიორ ქართველ ფერმერებს საშუალებას აძლევს გაემგზავრნონ ჰოლანდიაში, მოინახულონ საცდელ-სადემონსტრაციო ნაკვეთები და დაესწრნონ ტრენინგებს.
კარტლისის გორისა და ქუთაისის ფერმერთა მომსახურების ცენტრში, იაპონური კომპანია “ნიჰონის” თანამშრომელმა, ბიოქიმიკოსმა კურიამა კენიმ ტრენინგები ჩაატარა. იაპონელი მეცნიერი კურამა კედი პრეპარატ “ორტუსის” მოქმედი ნივთიერების გამომგონებელი გახლავთ.ქართველ ფერმერებს ქონდათ უნიკალური შესაძლებლობა უშუალოდ გასაუბრებოდნენ მსოფლიოში აღიარებული პრეპარატის შემქმნელს. ტრენინგის მიმდინარეობისას ფერმერება პრეპარატების “ორტუსის” და “აპლაუდის” შესახებ დეტალური ინფორმაცია მიიღეს. შეხვედრამ კითხვა-პასუხის რეჟიმში ჩაიარა
მაღალი ეთიკური და პროფესიული სტანდარტებით ბიზნესის წარმოებისათვის 2011 წ 14 ივლისს ქ.ვაშინგტონში აშშ-ს კონგრესის სოფლის მეურნეობის დეპარტამენტის შენობაში “კარტლის აგროსისტემებს” გადაეცა სპეციალური ჯილდო, როგორც პესტიციდების დისტრიბუტორ საუკეთესო კომპანიას აღმოსავლეთ ევროპის რეგიონში.
info@cartlis.ge
+995 32 244 55 42
+995 32 244 55 43
75გ, კოსტავას ქ.,I სართ. თბილისი 0160, საქართველო
